مشغل لمسة الاسيلة

تعامل راقي ابداع العاملات صراحه اول مره اجي هذا المشغل بس ماشاء الله تبارك الله

المشغل اللي احب اتعامل معاه دايم فنانين بكل شي وخصوصاً الحواجب وموظفة الاستقبال مرام عسل عسل عسل وبشوشه😩 بالتوفيق لكم

ماشاءالله اسلوبهم مره حلو حتى الاستقبال كان يجنن وسويت بروتين عندهم هذي المرا الثانيه ويابنات م شاءالله يهبلونننن وشريت منتجات من عندهم وجداً رائعه منتجاتهم وكمان صاحبه المشغل مرااا كيوتتت ومتواضعه وياليتني لو اعرفهم من زمان والله سويت بروتين عند فطوم الله يجزيها خيرر م شاءالله عليها بسس سويت عندهم حواجب ورموشش وم شاءلله لا احكيكم عن الخدمه الجميله والذوق والادب وفطوم انصحكم فيها للبروتين بناتت ويهتمونننن بالنظافههههه وما كانت اول مره وان شاءالله مو اخر مره حرفيا اجمل صالون مر علي ولا اقلكم على الاسعار الصراحه مرره مرضيه وقليله على شغلهم مره مبسوطه فيهم وشغلهم وتعاملهم الله يسعدك مديره المشغل والبنات الي عندك

الصراحه مشغل قمه في الأحترام وأسعاره حلوه مره وصاحبة المشغل أنسانه راقيه وذوووق وأستقبالها يفتح نفسك ويحببك بالمكان غير شغلهم غني عن التعبير صبغتهم وبروتينهم يجننننننننن يستحقون أكثر من 5 نجوم والله

من اروع المشاغل في لبن تعامل راقي وشغل متقن صراحه ماحب اتعامل الا معهم بالذات موظفة الاستقبال تجنن ماشاءالله باخلاقها العاليه واستقبالها للعميل عملت عندهم بديكير ومنوكير وتشقير وصبغه وكل شي اطلق من الثاني ماشاءالله ربي يرزقهم يستاهلون خمسه نجوم

اولا بتكلم بكل امانه الاستقبال تتكلم معي بكل احترام عكس الي مكتوب في الكومنتات وغير كذا حريصه ان الكل يكنون مرتاحين وطول الوقت رايحه جايه على الزباين … ثاني شيء سويت البدكير والمناكير عند ساندرا مره حلو شغلها وتشتغل من قلب وهذي ثالث مره اجي عندهم ويعجبني شغلهم مره .. ثالث شيء وسويت حواجبي مره ابدعت صراحه سوتها على رسمة الحاجب ما نحفت ولا لعبت فيها .. ف المشغل مره رهيب مره عكس بعض الكومنتات الي يقولون سيء ومدري وش بالعكس تماما تمنيت لو اعرفه من اول كان ما رحت عند بعض المشاغل الي لعبو فيني .. وبنسبه للأسعار فجدا مناسبه ورهيبه وانصح الكل يجون هنا ويقيمون بنفسهم

عجبني شغلهم قصيت شعري عند جينا فلبينية ماشاءالله فنانه وروحها حلوه الله يسعدها والاستقبال كمان ذوق الله يبارك لهم واسعارهم مناسبة

شغلهم جمييييل جدا جربت التسريحات فن عند فاطمه👍🏻 وصاحبت الصالون عسل وذوق والاسعار مناسبة 150 تسريحة وعندهم عرض كل يوم ب 100 خدمات

مشغل نظيف والخدمه محترمه والاستقبال قمه الاحترام بس المشكله الاسعار عاليه مع انهم فى الأول كانت الاسعار مناسبة اتمنى حل هذه المشكله

بكل امانه شغلهم مو بطل اللي بعده يجننن مع انه عندي مشغل جنب بيتي بس اتركه واروح لهم يجنن شغلهم يعطيهم الف الف الف عافيه واشكر مديرة المشغل ع اسلوبها وكلامها الحلو

بصراحه جيت قبل يومين مغيرين حقت الاستقبال حاطين وحده تفتح النفس اسلوب رقي تعامل ماشاء الله سويت حواجبي واظافري حلوين

يسعدلي مساكم اتكلم عن واقع تجربة الصالون من ناحية النظافة نظيف الاستقبال نفسياتهم وتعاملهم جدا راقي العاملات محترمات في تعاملهم وأسلوبهم جدا جميل زبونتكم من الشرقية اجيكم في مواسم الاجازات دائما اطلب خدمة صبغ جذور الشعر ماشاء الله تبارك الرحمن عكس باقي الصالونات اذا طلعت من عندهم احس بتحسس والتهاب في فروة الشعر اما بالنسبة للمسة الاسيلة ماتيجي هالاعراض دليل على انتقاء منتجات ذات جودة عالية كمان اطلب البدكير والمنكير شي يفتح النفس من الاخر وشغل متقن يعطيكم العافية يارب

الكوافيره فطوم اليمنيه اكثر من رائعه في قص الشعر وتعامل اكثر من رائع

فطوم اليمنيه للشعر شغلها خياااال والاستشوار حقها يبرد الكبد مرره يجنن أنصحكم فيها وبقوه

ألف شكر على تعاملكم الرائع ، قصيت شعر خادمتي عند فاطمة كان تعاملها وعنايتها جميلة

بصراحه روعه شغلهم سويت حواجبي وقصيت شعري عند جيد اتوقع انها فلبينيه كانت اول زياره لي وكنت متخوفه وان شاء الله مو اخر مره . ااما بالنسبه للمشغل نظيف وباارد يهبل ولا انسى موظفت الاستقبال تجنن هي واسلوبها راقيه جداً